کروں میں کیا بیاں اُن کا

  
کروں میں کیا بیاں اُن کا،یہ ہے لُطف و کرم ان کا

کرم سارا یہاں ان کا، یہ ہے لطف و کرم ان کا

یہ دوعالم نہیں آقا  کے جوڑے  کے  برابر بھی

ہے رب دوجہاں ان کا، یہ ہے لطف و کرم ان کا

کہ جبریل امیں آتے ہیں  جوڑے  چومنے اُن کے

ہی لب پر بھی نشاں ان کا،یہ ہے لُطف و کرم اُن کا

مکین لا مکاں جو ہیں وہ میرے دل میں رہتے ہیں

میرا دل ہے مکاں اُن کا،یہ ہے لُطف و کرم اُن کا

ہے کُل عالم  کے دولہا کی خدا کرتا ثنا خوانی

خدا ہے رازداں اُن کا،یہ ہے لُطف و کرم اُن کا

خدا اُن کا، ملاَئک بھی، یہ  کائنات بھی اُن کی

سراپا ہے قرآں اُن کا،یہ ہے لُطف و کرم اُن کا

میری سرکار کے جلووں کا  جلوہ دیکھنے والو

عیاں بھی ہی نہاں اُن کا،یہ ہے لُطف و کرم اُن کا

جہاں میری ختم سوچیں ، وہیں آغاز  آقا  ہے

یقیں اُن کا،گماں اُن کا،یہ ہے لُطف و کرم اُن کا

لکھوں کیا میں  مدح  سرکار  کی ، میرا قلم لرزاں

یہ ہے لطف و بیاں اُن کا،یہ ہے لُطف و کرم اُن کا

سر محشر خدا کے رُوبرو جس دم بھی میں آوں

کرم ہو پھر وہاں اُن کا،یہ ہے لُطف و کرم اُن کا

محبت پنجتن  کی  ہو  مرا  سرمایہ محشر میں

ہو عشق جاوداں اُن کا،یہ ہے لُطف و کرم اُن کا